Татар Борнашында экологик акциягә кушылдылар
Мәктәптә «Яшел белем» республика мәгърифәтчелек акциясенә багышланган экология дәресе узды.
"Яшел белем" - экология һәм табигать турында күбрәк белергә, шулай ук бу белемнәрне башкалар белән уртаклашырга теләүчеләр өчен агарту акциясе. 2026 елның 2 мартыннан 15 мартына кадәр бөтен республикада тематик дәресләр үткәрелә.
“Яшел белем” акциясе “Татарстанның яшел коды” проекты кысаларында уза, аны Татарстан Экология һәм табигый байлыклар министрлыгы ярдәмендә, 2025 елда гражданлык җәмгыятен үстерүгә Татарстан Республикасы Рәисе гранты акчаларыннан файдаланып, Татарстан Республикасының “Чиста булачак" төбәк яшьләр экология иҗтимагый оешмасы гамәлгә ашыра.
Мәктәпнең яшь экологлары сәламәт яшәү рәвеше нигезләренә багышланган дәрестә катнаштылар. Балалар дөрес туклануның төп кагыйдәләрен искә төшерделәр һәм эш дәфтәрләрендә мавыктыргыч биремнәрне үтәп, белемнәрен ныгыттылар. Баланслы рационның мөһимлегенә һәм ашамлыкларны дөрес сайлауга аерым игътибар бирелде.
Яшь экологлар үзләрен илнең сәламәт һәм актив гражданнары булып үсүләренә ышаналар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев