Татар Борнашы балалары сәламәт яшәү рәвешен сайлыйлар

Чара оештыручыларның кереш сүзләреннән башланды. Алар балаларга Бөтендөнья сәламәтлек көне тарихы турында сөйләделәр һәм балачактан ук үз сәламәтлегеңне кайгыртуның, сәламәт яшәү рәвеше алып баруның һәм физик активлыкка вакыт бүлеп бирүнең мөһимлеген ассызыкладылар. Илһамландыргыч әңгәмәдән соң барысын да «Чик-Рик»ның күңелле физик күнегүләре көтте. Балалар алып баручылар артыннан динамик һәм кызыклы хәрәкәтләрне рәхәтләнеп кабатладылар - бу балаларны программаның төп өлеше алдында энергия һәм уңай хис-кичерешләр белән тулыландырды.

Аннары яшь катнашучылар тематик станцияләр буйлап мавыктыргыч сәяхәткә киттеләр, анда аларны кызыклы биремнәр көтә иде.

“Сәламәтлек әлифбасы” станциясе. Биредә балалар сәламәтлек турында мәкальләр җыйдылар һәм анаграммалар чиштеләр. Бу зирәклекне тикшереп кенә калмады, бәлки үзеңне кайгыртуның мөһимлеге турында халык телендә әйтелгән зирәк сүзләрне дә истә калдырырга ярдәм итте.

“Спорт” станциясе. Бу этапта балалар күңелле эстафеталарда катнаштылар. Ярыш рухы, командалы эш һәм актив уеннар бик күп якты тәэсирләр бүләк итте һәм спортның күңелле булуын күрсәтте.

“Медицина”станциясе. Катнашучылар аптечка җыйдылар һәм дөрес туклану турындагы сорауларга җавап бирделәр. Балалар организм өчен нинди ашамлыкларның файдалы булуы турында күп яңалыклар белделәр.

“Витаминлы" станциясе. Яшь катнашучылар яшелчә һәм җиләк-җимешләрнең файдасы турында сөйләштеләр, төрле ризыкларда нинди витаминнар булуын һәм аларның сәламәтлеккә ничек йогынты ясавын белделәр.

«Тамырчыклар» станциясе физкульт-уен белән тәмамланды, ул барысын да хәрәкәткә китерде һәм сәламәт рационның мөһимлеген тагын бер кат искә төшерде.

“Сәламәтлек илендә!" уен программасы бай, танып белүчән һәм бик күңелле килеп чыкты. Балалар вакытны күңелле уздырып кына калмадылар, сәламәтлекне саклау, актив булу һәм дөрес туклану турында мөһим дәресләр дә үзләштерделәр. Оештыручылар барлык катнашучыларга рәхмәт әйтәләр һәм алган белемнәр балалар белән озакка калыр дип өметләнәләр.