Салих Сәйдәшевны искә алдылар

Идел елгасы буенда кечерәк кенә бер аланда мәчет салынган, ә янәшәдә бөек композиторга һәйкәл - гаять зур мәрмәр таш-монолит куелган. Бирегә, Кызыл Байракка, Салих Сәйдәшев еш кына илһам, ял эзләп килгән. Нәкъ менә шунда ул атаклы маршын язган. Аның композиторлык һәм башкару иҗаты күп еллар дәвамында Татарстанның музыка сәнгатендә әйдәп баручы ролен уйнады һәм халык арасында танылу алды. Нәкъ менә С.Сәйдәшев татар музыкасын халык музыкасыннан профессионализмга күчерә. Ул әйдәп баручы музыкаль жанрлар - опера, балет, музыка комедиясе, симфоник һәм хор музыкасы булдыру өчен шартлар тудырды. Сәйдәшев татар мәдәниятен үстерүгә зур өлеш кертә. Аның әсәрләре яңа эшчәнлек һәм заманчалыктан аерылгысыз. 

Ел саен, август аенда, бу алан бөтен халык яраткан композиторы истәлегенә багышланган татар мәдәнияте бәйрәме белән яктыртыла. Чарага халык  гаиләләре, дуслары белән килә.  

Вахит авыл китапханәсендә китапханәче Сания Салимуллина балалар өчен “Сәйдәшнең бала чагы” дигән мәгълүмат сәгате үткәрде. Ул композиторның тормышы һәм иҗаты турында сөйләде. Салих Җамалетдин улы Сәйдәшев - татар композиторы, дирижер, һөнәри милли музыкага нигез салучы. Ул үзенчәлекле фольклор традицияләрен профессиональ музыка коралларының заманча яңгырашы белән берләштергән, татар драматурглары пьесаларына музыка язган беренче кеше. Аның тормыш юлында уңыш та, дан да, тыюлар да, эзәрлекләүләр дә булган. Сәйдәшевне үзенең күренекле улы дип санаган туган халкы бүген дә онытмый, ул татар музыка сәнгатендә мәңгегә гаҗәеп фигура булып кала. Салих Сәйдәшев музыкасы, аның истәлеге халык йөрәгендә мәңге яшәячәк.