Редакциябезгә рәхмәт хаты килде

Ул Ватан авылы халкы исеменнән яза:

“ Авылыбыз бик кечкенә, бик матур җиргә урнашкан, бер беребез белән бик дус-тату яшибез. Бергәләшеп  авыл зиратын чистартырга булдык. Бердәм булып  үз инициативабыз белән акча җыйдык. Шул акчаларга зиратны чистарттык, коймаларны яңарттык.

Авылдышларыбыз Гомәрев Альберт, Чумаров Илдар абыйле-энеле Әнәс һәм Рәис Файзуловлар, Линар Галиев бу изге эшне башлап йөрделәр. Үзебезнең авыл, күрше Яңа Болгардан ир-егетләребезгә мәңгелек йортыбызны тырышып, җиренә җиткереп эшләгәннәре өчен авыл халкы исеменнән рәхмәтләребезне белдерәбез.

Аларга һәм гаиләләренә исәнлек, саулык, тигез гаилә тормышы, кайгы-хәсрәт күрмичә, бәхетле гомерләр насыйп булсын. Аллаһы Тәгалә үзләрен зурласын, куандырсын”-ди Суфия ханым.