Рамазан ае азагына якынлаша
Бу бәйрәмнең төп мәгънәсе – Аллаһка ураза тоту, Рамазан аен лаеклы рәвештә төгәлләү һәм аның рухи байлыкларыннан файдалану мөмкинлеге өчен рәхмәт белдерү.
Ураза гаете 20 мартта бәйрәм ителә. Бу көн республикада бәйрәм уңаеннан ял көне булачак. 2026 елда бәйрәм җомгага туры килә.
Бәйрәм көнне мөселман ир-атлар күмәк намаз уку өчен мәчеткә бара. Моннан тыш, бу көнне туганнар белән күрешергә һәм якын кешеләргә яхшылык эшләргә киңәш ителә. Бәйрәм иртәнге күмәк намаз белән мәчетләрдә башлана. Бу көнне мөселманнар чиста һәм бәйрәмчә киемнәрен кия, бер-берсен сәламли һәм бәйрәм белән котлый.
Югары Ослан мәчетендә 04.16 сәгатьтә иртәнге намаз укыла, бәйрәм чаралары 04.40 сәгатьтә Коръән укудан башлана. 05.40 бәйрәм вәгазе укылачак, ә 06.00 сәгатьтә гает намазы башлана.
Намаздан соң мөселманнар туганнарына кунакка бара, гаиләләренең өлкән яшьтәге әгъзаларына игътибар күрсәтә һәм якыннары белән бәйрәм табыны артында җыела.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев