Районда юл хәрәкәте кагыйдәләре буенча иң яхшы яңа ел уенчыгын сайлаячаклар

Югары Ослан районы халкын Яңа ел алды бәйгесендә катнашырга чакыралар. Район Дәүләт автоинспекциясе һәм «Юл хәрәкәте иминлеге» оешмасы оештырган иҗади ярыш балаларга да, өлкәннәргә дә юл хәрәкәте кагыйдәләрен бәйрәмчә, әкияти формада үтәүнең мөһимлеген искә төшерүне максат итеп куя.

Катнашучылар үз фантазияләрен берничә темада күрсәтә алалар. Беренчесе -ирекле, анда яңа ел уенчыгын, бәйрәм бүләген яки юлда куркынычсызлык белән бәйле бизәнү әйберләрен күз алдына китерергә һәм үз эшеңә үзенчәлекле исем бирергә мөмкин. Икенче тема «Полиция Кыш Бабае» образына багышланган. Өченчесе «Постта ел символы» эшләнмәсен төзергә тәкъдим итә, юлда тәртипне күзәтүче киләсе елның символын сүрәтләү.

Катнашучы булу өчен үз эшеңнең фотосурәтен Югары Осланның «ВКонтакте» социаль челтәрендәге ГБУ «БДД» сектор в Верхнеуслонском районе рәсми төркемендә булдырылган махсус альбомга урнаштырырга кирәк. Альбомга сылтама һәм конкурс турындагы нигезләмәне әлеге төркемдә табарга мөмкин. Конкурс эшләрен кабул итү 2025 елның 19 декабренә кадәр дәвам итәчәк, соңрак җибәрелгән эшләр каралмаячак.