Районда «Яшүсмер-2026» операциясе старт алды

Югары Ослан районында «Яшүсмер-2026» комплекслы ведомствоара операциясенең беренче этабына старт бирелде.

Гаиләгә һәм балаларга социаль ярдәм бүлеге мөдире профилактика субъектлары вәкилләре белән берлектә күчмә рейд үткәрде. Комиссия районыбызның 8 торак пунктында яшәүче 16 гаиләдә булды. Белгечләрнең игътибар үзәгендә балигъ булмаганнарның иминлеге тора. Сәфәр барышында гаиләләрнең торак-көнкүреш шартлары җентекләп тикшерелде. Ата-аналар һәм балалар белән аңлату әңгәмәләре үткәрелде, чөнки иң яхшы яклау чыганагы – ул белем һәм уяулык.

Һәр гаиләгә катлаулы вәзгыятьтә ориентлашырга ярдәм итәчәк мәгълүмати буклетлар тапшырылды:

• “Куркынычсыз балачак" - өйдә һәм урамда куркынычсыз мохит булдыру;
• “Сулыкларда үз-үзеңне тоту кагыйдәләре турында" - җәйге су коену сезонында бигрәк тә актуаль;
•  "Сак булыгыз, мошенниклар!"- җинаятьчеләрнең хәйләләренә ничек эләкмәскә.

«Яшүсмер-2026» операциясе өч этапка бүленгән. Бу бер тапкыр үткәрелә торган акция түгел, ә системалы эш. Һәр этапта даими рәвештә профилактик рейдлар үткәреләчәк. Аның уртак максаты - мөмкин булган проблемаларны иртә стадиядә ачыклау, кирәкле социаль ярдәм күрсәтү һәм күзәтүчесезлекне булдырмау.

Балаларыбызның иминлеге — безнең төп бурычыбыз!