Безнең көннәрдә балаларның юлларда иминлеге җитди проблема булып тора. Ел саен юлларда һәм урамнарда бик күп юл-транспорт һәлакәтләре була, нәтиҗәдә балалар үлә һәм имгәнә.
Печище авыл мәдәният йортында мавыгулар сәгате булып узды. Төрле яшьтәге кызлар үзләренә күңеленә ошаган шөгыль таптылар. Кемдер яндыру ысулы белән мавыкты, ә кемдер юл хәрәкәте кагыйдәләрен өйрәнү өчен пазл җыюга өстенлек бирде. Кызлар мавыктыргыч формада юл хәрәкәтенең еш очрый торган билгеләре белән таныштылар. Пазл җыю барышында кызлар викторина сорауларына җавап бирделәр. Алар юлны кичүнең ничек куркынычсыз булуын һәм иң мөһим юл билгеләренең нәрсә аңлатканын төгәл аңладылар һәм белделәр.
Читай «Волжскую новь» в МАКС, Вконтакте, Одноклассники, Дзен, Телеграм,
Нет комментариев