Октябрьский Бистәсендә Бөтендөнья су ресурслары көне узды

Бу дата уңаеннан Октябрьский Бистәсе балалар бакчасында «Су - безнең тирәбездә» дигән тематик көн узды. Көн дәвамында сабыйлар белән "Су турында без нәрсә беләбез?", "Су кайда яшеренә" дигән әңгәмәләр үткәрелде. Балалар “Табигатьтә су әйләнеше” төшенчәсе белән таныштылар, суның төрле торышын искә төшерделәр. Кызыксынып, мавыктыргыч тәҗрибәләр, уеннар-экспериментлар үткәрделәр, анда суның нинди үзлекләргә ия булуын белделәр, балалар суны төрле халәттә: кар, боз, сөңгеләр - болар барысы да күпкырлы су. Су булмаса, елгаларда, диңгезләрдә һәм океаннарда яшәүчеләр генә түгел, бәлки планетада барлык тере организмнар да яши алмаячагын, суны сакларга кирәклеген белделәр. Аннары балалар суга суганнар утырттылар, һәм аның үсүен күзәтәчәкләр. Алар суганның суда үсәме, әллә җирдә генәме дигән сорауга җавап эзлиләр.

Балалар бакчасы тәрбиячеләре су көнен билгеләп үтеп, балалар суның кеше ярдәмчесе булуын һәм су ресурсларын сакларга тырышуын истә тотарлар дип ышанып калалар.