Мәмәтхуҗада тәкыя үрү техникасына өйрәнделәр
«Татарстанда Җәй» республика проекты кысаларында Мәмәтхуҗа авылы мәдәният йорты хезмәткәрләре җәйге каникул көннәрендә кыр чәчәкләреннән тәкыя үрү буенча мастер-класс үткәрделәр.
Элекке заманнардан бирле халыкларның яраткан җәйге шөгыльләренең берсе - тәкыя үрү булган. Төрле чәчәкләрдән һәм үләннәрдән такыя үрү -популяр күңел ачу йоласы. Безнең ата-бабаларыбыз да бу күнекмәне камил белгән. Бүгенге көндә дә чәчәкләрдән үрелгән тәкыя кию традициясе яңадан торгызыла башлады.
Сәнгать җитәкчесе Татьяна Никитушкина кызларга тәкыя үрү белән бәйле халык традицияләре турында сөйләде, үрү һәм детальләрне тоташтыру ысулларын күрсәтте. Балалар чәчәкнең ике сабагын бергә кушып, берничә иң зур чәчәкне бәйләмгә тоташтыралар. Икенче чәчәкне алып, беренче сабакка урадылар. Чәчәкләрнең һәркайсы алдагыларына якынрак итеп, тыгызрак үрелә. Такыя башка киярлек булганчы, чәчәкләр өстәүне дәвам итү мөһим.
Нәтиҗәдә чарада катнашучы балалар тәкыя ясауның барлык серләрен белделәр һәм үз образларын тулыландырырга мөмкин булган үзенчәлекле ачык һәм хуш исле аксессуарларга ия булдылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев