17 августта Россиядә гадәти булмаган, әмма шундый якын һәм җылы бәйрәм — самавыр көне билгеләп үтелде. Ул күптән инде кухня кирәк-яраклары булудан туктады, кунакчыллыкның һәм гаилә уңайлылыгының чын символына әверелде. «Мич - анакаем, самавыр — атакаем», - дип юкка гына әйтмәгәннәр.
Самавыр тарихы белән таныштыру өчен, Мәмәтхуҗа авылы мәдәният йортының сәнгать җитәкчесе яшь авылдашлары өчен «Самавыр янында кунакта» исемле танып-белү очрашуы оештырды. Очрашу башында балалар беренче самавырларның ничек барлыкка килүен, ни өчен аларның һәр йортта мактаулы урын алып торуын һәм буыннан-буынга кадерләп тапшырылуын, чын гаилә истәлегенә әверелүен белделәр.
Әңгәмәдән соң балалар соң иҗатка күчтеләр: һәр катнашучы үз кәгазь самавырын ясап, үзен оста ролендә сынап карады. Иҗат барышында залда чын-чынлап игелекле һәм шатлыклы мохит хөкем сөрде. Бәйрәмнең иң көтеп алынган һәм күңелле вакыты бергәләп чәй эчү булды. Балалар чын самавырда үз куллары белән хуш исле чәй әзерләделәр. Бәлешләр һәм тәм-томнар салынган кайнар эчемлек артында вакыт сизелмичә дә үтеп китте.
Мондый очрашулар - үткән һәм киләчәк арасында мөһим күпер. Иң мөһиме -балаларга бер зур гаилә итә торган гореф-гадәтләрнең җылысын саклап калу һәм тапшыру.
Читай «Волжскую новь» в Телеграм, Вконтакте, Одноклассники, Дзен
Нет комментариев