Мәмәтхуҗада «Өмет шәме» акциясе үткәрделәр

"Өмет шәме" безнең МХО зонасында булган солдатларыбызны җылыту символы. Акциядә катнашучылар бердәм булып блиндаж шәмнәре ясадылар.

Блиндаж шәме дүрт сәгатьтән алып сигез сәгатькә хәтле бертуктаусыз яна ала. Аның ярдәмендә палаткаларны җылытырга, киемнәрне киптерергә, су кайнатырга була. Сүндергәннән соң яңадан кабызыр өчен уңайлы.

Бөгелгән картонны, фитиль белән банкаларга куялар, парафин белән тутыралар. Кулланганда фитиль генә түгел, ә банканың эчлеге дә яна. Солдатларга бик файдалы әсбап килеп чыга.

Мәмәтхуҗалылар бу игелекле эшне алдагы көннәрдә дә дәвам итәргә уйлыйлар.