Мәмәтхуҗада иң күңелле Сабан туе узды
Россия халыклары бердәмлеге елы һәм “Татарстанда җәй” республика проекты кысаларында 17 июньдә Мәмәтхуҗа авыл мәдәният йорты һәм Мәмәтхуҗа китапханәсе хезмәткәрләре балаларга чын бәйрәм - балалар Сабан туен бүләк иттеләр. Бу күңелле, шау-шулы һәм онытылмаслык чара булды.
Төрле милли уеннар балаларны мавыктырып үзенә тартты. Балалар төрле бәйгеләрдә бик теләп катнаштылар: аркан тартыштылар, капчык киеп йөгерделәр, кашыкта йомырка күтәреп оста йөгерделәр, башка кызыклы сынауларда да көчләрен сынап карадылар. Барлык балалар да төрле уеннарда актив катнаштылар, үзләренең энергияләрен һәм команда рухын күрсәттеләр.
Сабан туе - ул ярышлар гына түгел. Ул - бердәмлек, дуслык һәм бай традицияләребезгә хөрмәт бәйрәме. Ул балаларга шатлык, шатлыклы көлү һәм чын, тылсымлы бәйрәм хисе бүләк итә. Балачак Сабан туе турындагы якты истәлекләр балалар хәтерендә озакка калачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев