Мәмәтхуҗада балалар сәламәтлекне саклау буенча белемнәрен арттыралар

Тикмәгә генә әйтелми: «Сәламәтлегемне югалттым – бөтенесен югалттым". Шуңа күрә балачактан ук үз сәламәтлегеңә сак һәм кадер белән карарга кирәк.

Мәмәтхуҗа авылы мәдәният йорты хезмәткәрләре сәламәт яшәү рәвеше турында әңгәмә үткәрделәр. Мәдәният йортының сәнгать җитәкчесе Татьяна Никитушкина сәламәт яшәү рәвешенең әһәмияте, аның кыйммәтләре, һәр кеше тормышындагы роле турында сөйләде. Сәламәтлек өчен физкультура һәм спорт белән шөгыльләнү бик файдалы булуын билгеләп үтте. Сәламәт туклану һәм табигый үләннәрнең, җиләк-җимешләрнең һәм яшелчәләрнең шифалы үзлекләре турында сөйләштеләр.

Чарада катнашучылар үзләренең сәламәтлек турындагы белемнәре, көн тәртибе белән уртаклаштылар, сәламәтлеккә кагылышлы барлык мөһим нәрсәләр турында сөйләштеләр.

Чара барышында балалар спорт белән шөгыльләнү, дөрес туклану, йога белән шөгыльләнү һәм сәламәтлекне саклауның башка ысуллары сурәтләнгән плакат ясадылар.