Ел саен уздырыла торган «Балачак иминлеге» Бөтенроссия акциясе кысаларында Мәмәтхуҗа авылы мәдәният йорты хезмәткәрләре танып-белү сәгате үткәрделәр.
Җәй айларының иң кызу вакытында балаларга юлларда куркынычсызлык кагыйдәләре турында искә төшерү артык булмаячак. Бүгенне вазгыяттә һәр бала шуны белергә тиеш: дөрес йөри белмәүчеләр өчен урам куркыныч, һәм юлларда үз тормышыңны саклап калуның иң яхшы ысулы – юл хәрәкәте кагыйдәләрен үтәү.
Мәдәният йорты мөдире Алефтина Саттарова балаларны юл хәрәкәте һәм светофор кагыйдәләренең барлыкка килү тарихы белән таныштырды, җәяүлеләр һәм пассажирларның үз-үзләрен тоту кагыйдәләрен кабатлады. Бирелгән сорауларга балалар бик теләп җавап бирделәр.
Чара ахырында барлык балаларга да «Сак булыгыз машина» дигән белешмәләр бирелде.
Читай «Волжскую новь» в Телеграм, Вконтакте, Одноклассники, Дзен
Нет комментариев