Макыллылар экологик икеайлыкка кушылды
30 апрельдә экологик икеайлык кысаларында һәм Беренче Май бәйрәме алдыннан мәктәптә өмә узды.
Бу чара укучыларны, педагогларны, мәктәп хезмәткәрләрен һәм ата-аналарны уртак максатка - әйләнә-тирә мохитне кайгыртуга, уку һәм ял итү өчен уңайлы шартлар тудыруга берләштерде.
Өмәдә катнашучылар, тирә-якны чүп-чардан чистартып, коры ботаклар һәм яфраклар җыеп, актив рәвештә эшкә кушылдылар. Мәктәп клумбаларын һәм газоннарын төзекләндерүгә аерым игътибар бирелде, алар тиздән матур чәчәкләр һәм яшеллекләр белән бизәләчәк.
Әлеге өмә укучылар арасында экологик культура тәрбияләүгә юнәлдерелгән белем бирү процессының мөһим өлешенә әверелде. Укучылар табигать ресурсларын саклауның һәм аңлы рәвештә куллануның мөһимлеге турында практик белемнәр алдылар.
Мәктәп җитәкчелеге өмәдә катнашырга вакыт һәм көч тапкан һәркемгә ихлас рәхмәтләрен белдерә. Аларның хезмәте һәм эшкә тугрылыгы мәктәпне чистарак, яшелрәк һәм уңайлырак итүен билгеләп үтә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев