Мәктәптә алмаз мозаикасы техникасы күргәзмәсе узды

Бу вакыйга балаларның креативлыгын, үҗәтлеген һәм чиксез фантазиясен ачык дәлилләде. Күргәзмәдә төрле сюжетлар: чәчәк бәйләмнәреннән һәм тылсымлы пейзажлардан алып, хайван рәвешләре һәм милли символларга кадәр тәкъдим ителде. Төрле төсмерләр белән сугарылган һәр эш үзенең уникальлеге, матурлыгы һәм җентеклелеге белән җәлеп итә. Алмаз мозаикасын ясау балаларда вак моторика, тырышлык, игътибарлылык һәм сәнгати зәвык формалашуга ярдәм итә. Бу катлаулы, әмма мавыктыргыч бурычны уңышлы үтәгән укучылар горурлык хисе уята.

Күргәзмә - аларның сәләтләрен күрсәтү һәм башкаларда иҗатка кызыксыну уяту өчен менә дигән мөмкинлек. Чара ачылышында яшь патриотлар дулкынланып үзләренең эшләре турында сөйләделәр һәм иҗат итүдән алган тәэсирләре белән уртаклаштылар. 4 "а" сыйныф укучысы Полина Платончева үзенең абыйсы - хәрби диңгез флоты хәрби хезмәткәре сурәтләнгән картинаны, ә 3 "б" сыйныф укучысы Данил Бабаев Украинаны нацизмнан азат итү буенча хәрби операцияне символлаштырган Z хәрефе төшерелгән мозаиканы тәкъдим итте.

 Бу күргәзмә һәркем өчен яңа иҗади казанышларга илһам чыганагы булды. Укытучылар яшь осталарга ирешелгәннәрдә генә тукталып калмаска өндәделәр, ә барлык килгән катнашучылар һәм кунаклар бик күп уңай хис-кичерешләр алдылар.

Чараны оештыручылар Ватаныбызның яшь патриотларына фидакарь хезмәтләре һәм иҗатлары белән бүләк иткән шатлыклары өчен ихлас күңелдән рәхмәтләрен белдерәләр. Мәктәп җитәкчелеге башлангыч сыйныф укытучылары Н.Маткина, Р.Зиатдинова һәм С.Раковага әлеге искиткеч проектны гамәлгә ашыруда бәяләп бетергесез ярдәм иткәннәре өчен аерым рәхмәт сүзләре җиткерә.