Мәдәниятләр диалогы музеенда бәйрәм тарихы белән таныштылар

Бәйрәм алдыннан «Төрле төстәге дөнья» клубы әгъзалары Мәдәниятләр диалогы музеенда булдылар. Музей җитәкчесе балаларга бәйрәмгә багышланган танып-белү чарасы үткәрде. Балалар бәйрәмнең барлыкка килү тарихын һәм башка илләрдә 8 Март бәйрәмен ничек үткәрүләрен белделәр, шулай ук бүләкләр ясау буенча мастер-класс үткәрелде.

8 Мартны планетаның хатын-кызлары үзләренең бәйрәм көнен билгеләп үтә. Быел Халыкара хатын-кызлар көненә 116 ел тула. 1910 елның августында Копенгагенда узган хатын-кыз-социалисткаларның Халыкара конференциясендә Клара Цеткин тәкъдиме буенча хатын-кызларның үз хокуклары өчен көрәшенә багышланган махсус көн билгеләү турында карар кабул ителә. Икенче елның 19 мартында Германия, Австрия, Дания һәм Швейцариядә массакүләм чыгышлар уза, аларда миллионнан артык кеше катнаша. 8 Март тарихы шулай башлана, башта ул «Икътисадый, социаль һәм сәяси тигез хокук өчен көрәштә хатын-кызларның халыкара теләктәшлек көне» дип атала. 1965 ел 8 Март бәйрәме тарихында мөһим вакыйга була, ул вакытта СССРда ял көне дип игълан ителә. 8 мартның килеп чыгышы тарихына карамастан, сүз күптән бернинди «көрәш» турында да бармый. Әлеге бәйрәмдә барлык хатын-кызларга - әниләргә, апаларга, дус кызларга, хезмәткәрләргә, ясле яшендәге нәниләргә һәм пенсионер әбиләргә котлаулар, чәчәкләр һәм бүләкләр тапшырылачак.

Мәдәниятләр диалогы музеенда бәйрәмгә багышлап 1968-1990 еллардагы совет котлау открыткалары күргәзмәсе оештырылды.

Чара гадәттәгечә бергәләп чәй эчү белән төгәлләнде.