Котыру авыруыннан саклануның гади кагыйдәләре

Котыру авыруы нәрсә ул?

Бу авыру хайваннардан кешегә күчә торган үлемгә китерүче куркыныч авыру. Ул нерв системасын зарарлый һәм котылгысыз рәвештә үлемгә китерә. Тирегә аз гына зыян килсә дә авыруны йоктырырга мөмкин - зарарланган хайванның төкереге эләгү дә җитә.

Кемнән йоктырырга мөмкин?

Еш кына инфекция чыганагы булып йорт хайваннары - этләр һәм мәчеләр, сирәгрәк - төлке, бүре, кыргый җәнлекләр тора. Җәй көне табигатьтә ял иткәндә аеруча игътибарлы булырга кирәк, чөнки кыргый хайваннар белән элемтә еш кына җитди җәрәхәтләр һәм авырулар китереп чыгара.  

Куркынычтан ничек сакланырга?

Гади чараларны үтәү куркынычны киметергә мөмкинлек бирәчәк:

*Таныш булмаган яки шикле кыяфәтле хайваннарга беркайчан да кагылмагыз.

*Балаларга чит хайваннар янында үз-үзеңне тоту кагыйдәләрен аңлатыгыз.

*Әгәр сезнең йорт хайваныгыз авырып китсә, кичекмәстән ветеринария хезмәтенә мөрәҗәгать итегез!

Вакцинация кагыйдәләрен һичшиксез үтәгез!

Йорт хайванын теркәү һәм еллык вакцинация - сезнең куркынычсызлык нигезе. Даими рәвештә якындагы ветеринария клиникасында үз хайваннарыгызга профилактик чаралар үткәрегез.

Әгәр дә шикле хайваннар тешләсә

Хәтта сезне йорт хайваны тешләсә дә, аның турында ветеринария белгечләренә ашыгыч рәвештә хәбәр итегез. Терлекне белгечләр күзәтүе өчен ун көнгә карантинга урнаштырачаклар. Вакытында эшләнгән гамәлләр гомерне саклап кала!

Кагыйдәләрне үтәмәү җаваплылык белән яный

Хайваннарны тотуның билгеләнгән нормаларын үтәмәгән өчен, кешеләр зыян күргән очракта, җинаять җаваплылыгына кадәр җитди җаваплылык каралган.