«Каенкай» балалары игелекле акциягә кушылдылар
«Яхшылык барлык кешеләргә кирәк, яхшылар күбрәк булсын» шундый девиз астында Алдынгылар хәрәкәтенең башлангыч бүлеге балалары сәнгать иҗаты буенча аппликация дәресе үткәрделәр.
Ул "Уенчык бүләк ит» акциясенә багышланды. Ә сәбәп бик игелекле иде - тәрбияче белән бергә кече төркем балалары өчен "Агачта һәм түтәлдә нәрсә үсә" дидактик уены ясау. Чөнки 15 мартта "Игелекле эшләр көне" билгеләп үтелә.
Эш күләмле булды һәм һәр бала дәрестә бик теләп катнашты. Балаларга уенчыклар ясау процессы ошады, мөгаен, шуңа күрә барысының да бәхеттән күзләрендә шатлык күрергә була иде һәм һәркем коллектив эшкә зур булмаган өлеш кертүенең мөһимлеген аңлады. Эш белән параллель рәвештә балалар тәрбияче белән "Игелек", "Эчкерсезлек" кебек төшенчәләр турында фикер алыштылар. Фикер алышканнан соң, балалар яхшылыкның яхшы уйларда гына түгел, ә башка кешеләр өчен яхшы һәм файдалы эшләрдә дә чагылуы турында нәтиҗә ясадылар.
Өлкән дусларының бүләге сабыйлар өчен чын сюрприз булды, алар бу уенга бик сөенделәр һәм эчкерсез елмаештылар. Әлеге дәрес балалар бакчасында игелек һәм мәхәббәт тәрбияләүнең искиткеч мөхитен тудырды.
Игелек безнең тормышта күбрәк булсын. Игелекле эшләр эшләү бик ансат бит, иң мөһиме - яхшы ниятләр булу һәм башлау!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев