«Каенкай» балалары экологик белемнәрен ныгыттылар
Экологик белем - экология буенча тәрбия нигезе ул. Балаларда кеше турында, табигатьнең бер өлеше буларак, һәм аның тормышы һәм сәламәтлеге табигать торышына бәйле дигән төшенчәләр формалаша. Баланың хисләре экологик тәрбия, теләктәшлек, тере организмнар турында кайгырту, гаҗәпләнү, кайгыру, әйләнә-тирә дөньяның матурлыгын күрү белән тыгыз бәйләнгән.
"Каенкай" бакчасының өлкән төркемнәрендә бу көн экологик белемнәргә багышланды. Иртән «Китап аша табигать дөньясына» китап күргәзмәсе ясалды. Тәрбияче балалар белән "Безнең йорт - табигать" викторинасы үткәрде. Балалар экологик сорауларга җавап бирделәр, табышмакларны, «Яфрак кайсы агачтан», «Кем кайда яши», «Тасвирлама буенча бел» биремнәрен чиштеләр.
Балаларның табигатьтә үз-үзләрен тоту кагыйдәләрен, чүп-чарны төрләргә аеруның әһәмияте, аның зыяны турында ничек белүләрен тикшерделәр. Барлык балалар да викторинада актив катнаштылар, үзләренең экологик белемнәрен уңышлы күрсәттеләр. Шулай ук «Планета безнең кулларда» дигән иҗади биремне үтәделәр. Ә иң мөһиме, табигать ул безнең зур йортыбыз, һәм без барыбыз да бергәләп анда тәртип сакларга тиеш, һәм ул безгә җавап итеп саф һава, чиста су, тәмле яшелчә һәм җиләк-җимеш, урман, болын, елга һәм диңгезләрнең файдалы нигъмәтләрен бүләк итәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев