Югары Ослан укучылары «Россия бөркетләре» сафларына керде

Балалар башта риваять тыңладылар, аннары яңа иҗтимагый хәрәкәт сафларына басу турындагы кануннарны кабатладылар.  Укучыларны мәктәп директоры Ирина Борисова һәм муниципаль координатор Нәзилә Биктаһирова сәламләделәр һәм аларга үгет-нәсихәтләр бирделәр.

Чараның тантаналы өлешеннән соң укучылар походка киттеләр, анда пионер учагы янында балаларны бик күп мавыктыргыч уеннар, җырлар, спорт ярышлары көтә иде.

Оештыручылар яшь бөркетләргә  алда аларны кызыклы чаралар  көтүен, тиздән аларга күкрәк билгеләре һәм бүләкләр тапшырылачагын ассызыкладылар, ә бүген, багышлау йөзеннән, укучыларга  беләзекләр бәйләделәр, аларның һәрберсе хәзер «Россия бөркетләре” командасының әгъзасы булуын аңлатып үттеләр.