Югары Ослан районында бөтендөнья мәгариф акциясе узды

Әлеге акцияне оештыручылар: Бөтендөнья татар конгрессы Башкарма комитеты, Бөтендөнья татар яшьләре форумы, Филология һәм мәдәниятара институт коммуникацияләр Казан (Идел буе) Федераль Университеты, «Яңа Гасыр» телерадиокомпаниясе, «2014-2030 елларда Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» Татарстан Республикасы дәүләт программасын тормышка ашыру юлында халык алдына мөһим бурычлар куя.

Бу: татар телен өйрәнүгә омтылыш, халыкта татар әдәби теленең орфографик һәм пунктуацион нормаларын белү дәрәҗәсен ачыклау, халык арасында татар орфографиясен һәм пунктуациясен белүчеләрне ачыклау, язма сөйләмдә ешлык хаталарын билгеләү, халыкның игътибарын грамоталылыкның кимүе проблемасына җәлеп итү, үзлегеннән белем алуга һәм грамоталылыкны арттыруга этәрү.

Акцияне уздыру өчен мәйданчыклар 16 мәктәптә, район мәдәният йортында һәм мәчеттә булдырылды. 2026 елда «Татарча диктант» бөтендөнья мәгариф акциясен үткәрү тәртибе һәм барлык шартлары тулысынча үтәлде.

Акциядән соң мәйданчыкны оештыручы үзенең шәхси кабинеты сайтына http://diktant.tatar/ кереп, бәяләмәләр бастыра.

Диктант нәтиҗәләре сайтта 30 көннән дә соңга калмыйча урнаштырыла. Аларны бланкта күрсәтелгән код сүзеннән, телефон номерыннан, катнашучының фамилиясе һәм исеменнән танырга мөмкин.

Акциядә катнашучыларның барысына да актив гражданлык позицияләре һәм дөньяда барган хәлләргә битараф булмаганнары өчен зур рәхмәт белдерәм!

Дәүләтшина Г. И., Югары Ослан районында акцияне оештыручы, Бөтендөнья татар конгрессының җирле бүлеге рәисе