Югары Ослан өлкәннәр һәм инвалидлар интернат-йортында Яңа ел бәйрәме узды

Матур бизәлгән, гирляндалар балкып торган залга барлык тәрбияләнүчеләр җыелып, тылсымлы атмосферага чумдылар. Оештыручы Наталья Котова җитәкчелегендә алар конкурсларда, уеннарда катнаштылар, җырладылар һәм биеделәр. "Чегән" биюен башкарган Надежда Лепихинаның чыгышы аеруча соклану уятты.

Бәйрәмдә һәркемне Яңа ел сюрпризы көтте. Кыш бабай һәм Кар кызы булып уйнаган волонтер Рамил Кәлимуллин һәм тәрбияче Екатерина Машина барысына да «Казан Әниләре» хәйрия фонды әзерләгән бүләкләр тапшырдылар. Аларга бүләкләре өчен рәхмәтләрен белдерделәр. "Мондый тернәкләндерү чаралары безнең яшәүчеләр өчен бик мөһим, - ди Наталья Котова. - Шуңа күрә без мондый бәйрәмнәрне оештыру өчен тырышлыкны кызганмыйбыз, үзебезнең волонтерларны актив җәлеп итәбез. Социаль хезмәтләр алучылар үз сәләтләрен күрсәтү мөмкинлеге ала, тынычлана, бер-берсе белән яхшырак аралаша башлый, уңай хисләр ала”