Югары Ослан картлар һәм инвалидлар интернат-йортында сабын ясау буенча мастер-класс узды
Хезмәт буенча инструктор Гөлчәчәк Карпова җитәкчелегендә «Иҗат шатлыгы» түгәрәгендә катнашучылар зур мавыгу белән сабын эрү температурасын тотарга өйрәнделәр, аның нигезе нәрсәдән гыйбарәт булуын белделәр, буяулар һәм ароматизаторлар өстәделәр, чәчәк рәвешендәге төсле силикон формаларга әзер эремәләрне салдылар.
Бу яңа технология барысына да шулкадәр ошады, шуңа да социаль хезмәтләр алучылар мастер-класста бик теләп катнаштылар.
Чараның кульминациясе әзер сабыннарны формалардан алган мизгел булды. Чәчәкләр хуш исле һәм бик матур килеп чыкты. Аларны таяк-сабакларга урнаштырдылар, ясалма яфраклар өстәделәр. Чәчәкләрне букетка җыеп, кәрзингә урнаштырдылар. Әзер эшләнмәләрне, аларга башкалар да соклансын өчен, даими эшләүче иҗади күргәзмәгә урнаштырдылар.
Гөлчәчәк Карпова сүзләренә караганда, социаль хезмәтләрне алучылар арасында мондый яңа гадәти булмаган мастер-класслар бик популяр: аларга яңаны белү һәм үзләштерү, иҗатның төрле юнәлешләрендә үзләрен сынап карау ошый. Бу аларның үзбәясен арттыра, актив озак яшәвен дәвам итә.
Следите за самым важным и интересным в Telegram-каналеТатмедиа
Нет комментариев