Югары Ослан өлкәннәр һәм инвалидлар интернат-йортында социаль хезмәт алучыларны тернәкләндерүгә зур игътибар бирелә. Бу юлы хезмәт буенча инструктор Гөлчәчәк Карпова җитәкчелегендә кайнар ризыкларга аскуймалар ясадылар, хәзер аларны интернат-йортның ашханәсендә кулланачаклар.
Моның өчен алар усак шпоныннан коктейль таякчыклары алдылар, билгеле бер рәвештә аларны җыйдылар һәм бер-берсенә беркеттеләр. Нәтиҗәдә һәркемнең матур файдалы эшләнмәләре килеп чыкты.
"Табигый экологик чиста материаллар, шул исәптән агач белән эшләү яшәүчеләр өчен бик файдалы, - ди Гөлчәчәк Карпова. Мондый дәресләр аларга кулларының вак моторикасын, хәрәкәтләрне координацияләүне, тырышлыкны үстерергә ярдәм итә, үз фантазияләрен һәм индивидуальлекләрен күрсәтергә мөмкинлек бирә. Ә иҗат процессы үзе тынычландыра, киеренкелекне киметә, уңай хис-кичерешләр бүләк итә". Социаль хезмәтләр алучылар көнкүрештә үз куллары белән файдалы әйберләр эшли алулары белән горурланалар, ул эшләнмәләрне интернат-йортта яшәүчеләр кулланачак бит.
Читай «Волжскую новь» в Телеграм, Вконтакте, Одноклассники, Дзен
Нет комментариев