Интернат-йортта «Секрет» ансамбле репертуарын яңарта

Мондый чараларны район мәдәният йортыннан "Волжанка" ветераннар хоры җитәкчесе Миңлегөл Шәйдуллина оештыра. Ул "Секрет" вокаль ансамблен булдырды, барлык җыр сөючеләрне, шул исәптән аз хәрәкәтләнүче социаль хезмәт алучыларны берләштерде. Әлеге коллектив инде күп тапкырлар район һәм республика конкурсларында, фестивальләрендә катнашып килә. Интернатта яшәүчеләрнең чыгышларын тамашачылар һәрвакыт бик җылы кабул итә. Бу юлы чал чәчле җырчылар яңа концерт номерлары әзерләделәр. "Интернатта мондый дәресләр һәр пәнҗешәмбе, яшәүчеләрнең кичке мәшгульлеге кысаларында да уза, - ди директор Тәнзилә Васильева. - "Волжанка" ветераннар хорының көмеш волонтерлары белән социаль партнерлык безнең тәрбияләнүчеләр өчен бик мөһим - үзләренең актив яшьтәшләре белән аралашканда алар уңай һәм тормыш сөючәнлек рухы ала, әйләнә-тирә дөньяга, иҗатка кызыксыну үсә, төрле чараларда бергә катнашып, алар уңышлы социальләшәләр. Болар барысы да аларның реабилитация потенциалын арттыра, үз сәләтләрен тормышка ашырырга ярдәм итә".