Интернат-йортта Россия көнен патриотик чара белән билгеләп үттеләр

Мәдәни чараларны оештыручы Гөлчәчәк Карпова җитәкчелегендә биредә яшәүчеләр бу мөһим бәйрәмнең тарихын искә төшерделәр, Ватан дигән мөһим төшенчәнең мәгънәсен тикшерделәр. Тыл хезмәтчәне Лариса Отставнова "Ватан нәрсәдән башлана" шигыреннән өзек укыды. Бергәләп социаль хезмәтләр алучылар илебезнең әһәмиятле, истәлекле урыннарын искә төшерделәр. Һәм, әлбәттә, Ватаныбыз башкаласы – Мәскәүне дә  читләтеп үтмәделәр. Үз вакытында биредә булганнар бу шәһәр турында җылы хатирәләре белән уртаклаштылар.

Аннары барысы да рус бәйрәмнәре темасына кроссворд чишәргә керештеләр, халыкның гореф-гадәтләрен искә төшерделәр. Социаль хезмәт алучылар Ватан турында, Россия флагы турында шигырьләр укыдылар. Ахырда барысы да зур дәрт белән Россия гимнын җырладылар.

"Мондый патриотик чаралар безнең яшәүчеләребезне берләштерә, үзләрен зур күпмилләтле илебезнең бер өлеше итеп тоярга этәрә, - ди Гөлчәчәк Карпова. - Һәм, әлбәттә, мондый чаралар аларда әйләнә-тирә дөньяга кызыксыну уята, үзләрен күрсәтергә мөмкинлек бирә. Шуңа күрә без андый чараларны даими үткәрәбез".