Геройларның исемнәре мәңгелек

Мәмәтхуҗа авылы мәдәният йорты хезмәткәрләре укучылар белән тарихи сәгать үткәрделәр. Мөдир Алефтина Саттарова балаларга әлеге Георгий Победоносец көнендә Советлар Союзы Геройларын, Россия Геройларын, Дан һәм Изге Георгий орденнары кавалерларын хөрмәтләүне сөйләде. Бу дәүләт бәйрәме бүген илебез катнашкан барлык сугышлар вакытында беркетелгән заман һәм буыннарның бәйләнешен символлаштыра. Ул 2007 елдан билгеләп үтелә. 1917 елга кадәр 9 декабрьдә Россиядә Георгий кавалерлары бәйрәме билгеләп үтелгән. Нәкъ менә 1769 елның 9 декабрендә Екатерина ll сугышта батырлык, кыюлык һәм каһарманлык күрсәткән сугышчылар өчен Изге Георгий Победоносец орденын гамәлгә кертә. 2000 елда орденга РФ Югары хәрби бүләге статусы кайтарыла.

Якташлары Зиннуров Нәбиулла Шәфиг улы - 38 нче Украина фронты 167 нче укчылар дивизиясенең 615 нче укчылар полкының батальон комсоргы, кече лейтенант. Ул 1922 елның 13 июлендә Татарстан Республикасының Югары Ослан районы Татар Мәмәтхуҗасы авылында крестьян гаиләсендә туа. Авыл мәктәбендә җиде сыйныф белем ала. 1944 елның 10 гыйнварында немец-фашист илбасарларына каршы көрәш фронтында командование йөкләмәләрен үрнәк итеп үтәгәне һәм шул ук вакытта батырлык күрсәткәне өчен кече лейтенант Зиннуров Нәбиулла Шәфиг улына Советлар Союзы Герое исеме бирелә, аңа Ленин ордены һәм «Алтын Йолдыз» медале тапшырыла.

Мәмәтхуҗа авылы мәдәният йортында Геройның үткән тормышын чагылдырган күргәзмә оештырылган.