“Без бергә” бәйгесенең муниципаль этабы узды

Югары Ослан районында фестивальнең муниципаль этабы 2024 елның 1 мартыннан 6 мартына кадәр Югары Ослан, Шеланга, Печище, Макыл авыл мәдәният йортлары, Яр Морквашы урта мәктәбе һәм Иннополис мәктәбе базасында узды.

Чара район гомуми белем бирү мәктәпләре, өстәмә белем бирү оешмалары укучылары катнашында узды. Яшь җырчылар, биючеләр һәм шигырь сөйләүчеләр сәхнәдә үзләренең иҗади талантларын күрсәттеләр, якты, дәртле чыгышлар әзерләделәр.  

Балалар кече һәм өлкән яшь төркемнәрендә түбәндәге номинацияләрдә җиңү өчен көрәштеләр: «Хореография», «Халык вокалы», «Вокаль ансамбль», «Иҗади гаилә», «Нәфис уку», «Театраль иҗат».

Муниципаль бәйгедә җиңүчеләр район данын 2024 елда Югары Ослан муниципаль районында 19 мартта узачак фестиваль-бәйгенең зона этабында яклаячак.