Барлык югары осланлыларны чаңгы ярышларына чакыралар

Ярышлар Югары Ослан муниципаль районының һәр авыл җирлегендә оештырылачак.

Район үзәгендә катнашучыларны Югары Осланда урнашкан А.И.Парфилов исемендәге чаңгы базасы территориясендә көтеп калачаклар.

Югары Осланда үтәчәк ярышларның программасы:

- 10:30 – катнашучыларны теркәү

- 11:00 – ачу тантанасы

- 11:15 – ярышлар башлана

Җиңүчеләр һәм призерлар район башкарма комитетының яшьләр эшләре һәм спорт бүлегеннән грамоталар һәм истәлекле бүләкләр алачак.

Барлык катнашучылар өчен кайнар чәй оештырылачак, ә ярышучыларны  чаңгы трассасында күңелле һәм музыкаль композицияләр озата барачак.

Теләге булган һәркем «Чаңгыда йөрү» дисциплинасы буенча ГТО нормативы сынавын (тестын) үти ала.

Чараны оештыручылар барлык теләүчеләрне ярышларга чакырып калалар. Бу якты спорт вакыйгасының бер өлеше булу мөмкинлеген кулдан ычкындырмагыз.