Балалар төрле геометрик фигураларны танырга өйрәнделәр

Югары Осланның "Салават күпере" балалар бакчасының кече группасында эш уен рәвешендә төзелеп, берничә этапны үз эченә алды. Балалар фигуралар белән таныштылар. Алар фигураларны карап, формасын тикшерделәр, түгәрәкнең почмаклары булмавын, ә квадрат һәм өчпочмакның почмаклары барлыгын белделәр.

Дәрестә дидактик уеннарга әһәмият бирелде. Белемнәрне ныгыту өчен төрле уеннар үткәрелде:

• "Фигураны тап": түгәрәк, квадрат яки өчпочмакка охшаган предметларны төркемнәрендә эзләделәр.
• "Фигураны күрсәт": балалар геометрик фигуралардан гади рәсемнәр ясарга өйрәнделәр.

Иҗади һәм практик биремнәр белән шөгыльләнделәр:

• Аппликация: “Геометрик агач". Балалар фигураларны форма буенча төрләргә аердылар һәм ябыштырдылар. Ә нәниләр: геометрик фигураларны буядылар.

Киеренкелекне бетерү өчен «Квадрат, түгәрәк, өчпочмак» уены үткәрелде, анда балалар куллары ярдәмендә төрле фигураларны күрсәттеләр. Үткәрелгән эшләр барышында балалар өч төп фигураның исемнәрен һәм тышкы кыяфәтен - түгәрәк, квадрат һәм өчпочмакны истә калдырдылар.