Балалар дуслыкка нигез салдылар
Югары Осланның «Салават күпере» балалар бакчасында тәрбияләнүчеләр дуслык көнен күңелле итеп билгеләп үттеләр, аны елмаюлар, уеннар һәм җылы мизгелләр белән тутырдылар.
Балалар бакчасында дуслык кечкенәдән башлана: елмаюдан, бер-береңә кул сузудан, уенчык белән уртаклаша белүдән һәм моңсу кешене юатудан. Нәкъ менә, балачакта, иң мөһиме – чын дус булу сәләте салына.
Сабыйларның иртәләре "Дуслык нәрсә ул?" дигән әңгәмәдән башланды, анда балалар үз фикерләре, тарихлары белән актив уртаклаштылар һәм бер-берсенә ярдәм итүнең мөһимлеге турында фикер алыштылар. Балалар бертавыштан шундый нәтиҗәгә килделәр: дуслык — ярдәм, ышаныч һәм бергә сөенә белү ул.
Алар тәрбиячеләр һәм туган якны өйрәнү музее хезмәткәрләре белән хәрәкәтчән уеннар уйнадылар, биеделәр, бердәм булып биремнәр үтәделәр һәм командада эшләргә өйрәнделәр.
"Дуслыкның ял көннәре булмый!"- балалар бакчасында тәрбияләнүчеләр шундый нәтиҗә ясады. Бу бәйрәм нәкъ менә балачакта ныклы һәм ихлас мөнәсәбәтләргә нигез салынуын тагын бер искәртү булды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев