Түбән Осланда Бөтендонья хайваннарны яклау көнен билгеләп үттеләр

Бу бәйрәм 1931 елда Флоренциядә (Италия) узган табигатьне яклау хәрәкәте тарафдарларының Халыкара конгрессында оештырылган һәм кешелек җәмгыятенең игътибарын планетаның башка яшәүчеләре проблемаларына юнәлтергә тиеш.

Хайваннар көнен бәйрәм итү күп төрле чаралар белән аерылып тора. Бу көнне бик күп төрле акцияләр, демонстрацияләр, парадлар, хәйрия концертлары һәм ярминкәләр уза. Бу чараларны үткәрүнең максаты бер - кешеләрне планетада үзләре генә яшәмәгәннәрен искә төшерергә мәҗбүр итү. Хайваннар да, кешеләр кебек, уңайлы һәм ирекле тормышка хокуклы. 

Хәтта иң көчле хайваннар да безнең яклауга мохтаҗ, табигатькә сакчыл мөнәсәбәт, урманнарны саклау, сулыкларның һәм һаваның чисталыгы - ул планетада тереклек итүче барлык җан ияләренең тыныч яшәү нигезе. Хайваннарга багышланган бәйрәм тагын бер тапкыр кешеләргә, күркәм кеше сыйфатларының берсе - мәрхәмәтлелек турында искә төшерергә тиеш, бу безнең "кече туганнарга" да таралырга тиеш. Чөнки аларның тормышы һәм иминлеге күп очракта кешеләргә бәйле.  

“Түбән Ослан балалар бакчасы”  өлкән  төркем балалары Бөтендөнья хайваннарны яклау көнен бәйрәм итүгә кушылды. Балалар безнең төбәктәге хайваннар һәм кошлар турындагы хикәяләрне тыңладылар, Кызыл китапка кертелгән хайваннар турында презентация, хайваннар һәм кошлар сурәтләре төшерелгән рәсемнәрне карадылар, “Кем нәрсә ашый?”, “Кем кайда яши?” кебек төрле уеннар уйнадылар. Бөтендөнья хайваннарны яклау көне - үсеп килүче кешенең шәхесен формалаштыруда җаваплы роль уйный торган мөһим бәйрәм.

Без балаларыбыз  игелекле тормыш юлы үтәр дип өметләнәбез.