Татарстан гербының авторларын беләсезме?

Татарстан Республикасының Дәүләт гербы кояш җирлегендә алгы уң аягын бераз күтәргән , янтавында түгәрәк калкан булган канатлы барс сүрәтеннән гыйбәрәт.

Кояш түгәрәге татар милли бизәге төшерелгән, аскы өлешенә “Татарстан” дип язылган кайма белән уратып алынган. Канатлар – җиде каурыйдан, калкандагы розетка сигез таҗ яфракчыгыннан тора.

Татарстан Республикасының Дәүләт гербы төсле итеп бизәлгән: кояш – кызыл, Ак барс, аның канатлары, калкандагы розетка – ак, кояш түгәрәген уратып алган кайма – яшел, калкан, бизәк һәм “Татарстан” язуы алтын төс белән ясалган.

Татарстан Республикасының Дәүләт гербы авторлары: Н.З. Ханзафаров (идея), Р.З. Фәхретдинов (башкаручы).