Табиб белән куркусыз сөйләшергә өйрәтәбез: «Стрессыз татарча сөйләшәбез»

Сырхауханә - барыбыз да борчыла торган урын. Әгәр татарча да аңлашырга кирәк икән, дулкынлану икеләтә арта. Таныш картина: регистратура янында басып торасың, башта кирәкле җөмлә әйләнә, ләкин аны кычкырып әйтү ни өчендер куркыныч. Һәрбер дөрес булмаган тәмамлануны кырыс врач күзәтеп тора кебек, ә эш һәм хуҗалык белән өлкән кешенең курсларга йөрергә вакыты бөтенләй юк. Менә шулай килеп чыга да, тел бар кебек, ә сөйләшү юк.

Бу атнада «Стрессыз татарча сөйләшәбез» сәламәтлек темасын өйрәнә. Яңадан камераны алып, тел аеруча кирәк булган урынга – сырхауханәгә юл тоттык.  Врачка язылырга, кабул итү бүлмәсе турында сорарга һәм авырганны сөйләргә - бик гади максат. Оялмыйча. Озын кагыйдәләрсез. Һәркемгә кирәк булган тере сүзләр, җөмләләр белән генә. 

Беренче - регистратура

Һәрбер сырхауханә регистратурадан башлана. Монда югалып калмау һәм сезгә нәрсә кирәклеген төгәл әйтү мөһим. «Исәнмесез! Мин врачка язылырга телим». «Здравствуйте! Я хочу записаться к врачу». «Миңа терапевтка кирәк» «Мне нужен терапевт». Вакытны һәм нервларны саклый торган тагын бер җөмлә: «Кайсы кабинетта?». «В каком кабинете?» Яки универсаль «Кая барырга?"- "Куда идти?». Бу сүзләрне теләсә кайда кулланырга була: сырхауханәдә, аэропортта, таныш булмаган бинада.

Регистратурада шәфкать туташлары яхшы мөнәсәбәт белән каршы алалар. Сиңа берәү дә чит кеше итеп карамый. Киресенчә - киңәш бирәләр, төзәтәләр, кирәк булса акрынрак кабатлыйлар, бер хатын елмаеп куйды: "Яхшы өйрәтәсез. Без үзебез кайвакыт оялабыз, ә сез - булдырасыз". Мондый ярдәм бик урынлы. Нәкъ менә ул еллар буе сөйләшергә комачаулый торган куркуны бетерә дә инде.

Табибка нәрсә әйтергә

Хәзер иң мөһиме – кайсы җир авыртканын сөйләү. Табибка нәрсә булганын кыска һәм ачык итеп аңлатырга кирәк. Менә истә калдырырга кирәкле биш фраза:

•  Мин авырыйм.  Я болею.
•  Башым авырта.  У меня болит голова.
•  Тамагым авырта. Болит горло.
•  Температурам бар.  У меня есть температура.
•  Миңа табиб кирәк.  Мне нужен врач.

Кыскача, теләсә кемгә аңлашыла торган сүзләр. Алар гадәти тормышта нәкъ шулай эшлиләр дә. Озын җөмләләр төзергә кирәкми, төрләнешләрне искә төшерергә кирәкми. Берничә төгәл сүз җитә - һәм врач сезнең белән нәрсә булганын һәм ничек ярдәм итәргә икәнен аңлаячак.   

Куркусыз һәм бәясез

Сырхауханә - ул имтихан бирә торган урын түгел. Монда беркем дә әйтелеш өчен бәя куймый. Без моңа яңадан инандык - тел киртәсе тере аралашу һәм ярдәм булган җирдә җимерелә. Югары Ослан табиблары һәм шәфкать туташлары, базардагы сатучылар кебек үк, ярдәм итәргә әзер. Иң мөһиме -беренче адымны ясарга һәм курыкмыйча беренче сүзләрне, җөмләләрне әйтергә. Сөйләшү шулай үзеннән үзе дәвам итәчәк.

Сау булыгыз! Исән булыгыз!  Будьте здоровы!  До свидания!