«Солдатлар өчен өйдә ясалган токмач” халык акциясе

Токмач кисү  инициативасы белән Вахитов авыл мәдәният йорты мөдире Гөлназ Фәттахова чыгыш ясады. Эш башланганчы, ул мобилизацияләнгәннәрнең тизрәк өйләренә кайтуы турында дога укыды. Хатын-кызлар токмач кисү өчен кирәкле барлык әйберләрне  өйдән алып килделәр. Камырны әзерләгәннән соң, хатын-кызлар аны кистеләр, кипкәнен көттеләр һәм тартмаларга тутырдылар. Ләкин авыл халкы моның белән генә чикләнмәде. Моннан тыш, сугышчыларга яшелчәләр дә әзерләделәр. Кем нәрсә алып килә ала: бәрәңге, кәбестә, кишер, чөгендер,  сарымсак. Кайберләре шикәр, папирос, чәй китерделәр. Якын арада барлык ашамлыклар да гуманитар ярдәм җыю пунктына тапшырылачак. Мобилизацияләнгән солдатлар  өчен ярдәм  күрсәткәнгә барысына да зур рәхмәтебезне  белдерәбез. Без барыбыз да сугышчыларыбызның  туган йортыбызның җылысын һәм Ватанны саклаган өчен якташларыбызның рәхмәтләрен тоюларын телибез.