Үсентеләрне ничек ныгытырга

Үсентеләрнең тамырлары ныгысын, иммунитеты көчәйсен өчен чүпрә әчетеп сибәргә кирәк. Беренче тапкыр үсенте кечерәк вакытта, ә икенчесе - бакчага чыгарып утырткачбер атнадан соң. 

Чүпрәдәге гөмбәчекләр җиргә эләккәч, җирдәге фосфор, калий витаминнарны, углекислый газ бүлеп чыгара башлый.

10 граммлы коры чүпрәне 1 литр суга салып, шуңа 2 кашык шикәр комы кушып әчетергә дә 10 литрлы чиләккә салып су кушарга. Ике көннән соң шуны 1:5 исәбеннән кушып сибәргә.

100 граммлы "тере чүпрә"не шулай ук әчетергә, 10 литрлы чиләккә салып су кушарга һәм 1:10 исәбеннән кушып сибәргә.

Агачларга, карлыганнарга, викторияләргә - барысына да ярый. Ләкин моны җир җылынгач кына эшләргә кирәк. Алайса файдасы булмый.