Шәүкәт Галиевны искә алу

Шәүкәт Галиев 1928 елның 20 ноябрендә Татарстанның Кайбыч районы Олы Бакырчы (хәзер Апас районына керә) авылында туа. Ул, беренче чиратта, балалар әдәбиятында шаян шигырьләре белән таныла.

Игелекле хезмәте өчен 1972 елда Тукай исемендәге Дәүләт бүләге ала, 1982 елда Халыкара бүләк – Андерсен исемендәге Почетлы Дипломга һәм Халык шагыйре дигән олы исемгә лаек була. Шагыйрь 2011 елда 82 яшендә вафат була.

Күргәзмәдә язучының биографиясе һәм иҗаты турында сөйләүче китаплар тәкъдим ителде. Шәүкәт Галиев - танылган татар язучысы, шагыйрь. Егерменче гасырның икенче яртысында татар балалар әдәбиятының иң якты вәкилләреннән берсе. Шәүкәт Галиев шигърияте лирик интонация, шәхеснең рухи дөньясы үтеп керүнең психологик яңалыгы гына түгел, әхлакый бөтенлеге, чисталыгы, эчке гармониясе белән дә җәлеп итә. Күргәзмәдә тәкъдим ителгән шигырьләр балаларны фантазия байлыгы, бетмәс-төкәнмәс юмор һәм, иң мөһиме, балалар дөньяны кабул итүгә искитмәле аваздашлык белән җәлеп итә. Шәүкәт Галиев үзенең иҗаты белән Россия балалар әдәбиятының иң күренекле вәкилләре белән бер рәткә баскан шәхес.