Югары Ослан. Татарча
Районда балалар өчен җәйге уку курслары эшли башлый
18 июль көнне Югары Ослан районы мөхтәсибәте каршында мәктәпкәчә һәм мәктәп яшендәге балалар өчен җәйге уку курслары эшли башлаячак.
Курсларда ислам дине белән танышу, татар халкының милли гореф-гадәтләрен һәм мәдәниятен тәрбияләү буенча дәресләр каралган. Уку дәресләреннән тыш балалар өчен уен программасы да каралган.
Дәресләр иртәнге сәгать 9.00 дан 12.30га кадәр дәвам итәчәк. Курсларның озынлыгы якынча 2 атна, шимбә, якшәмбе ял көннәре.
Югары Осланның "Салихҗан" мәчетендә җәйге каникулларны файдалы итеп үткәрергә һәм яңа белем алырга теләгән барлык балаларны көтеп калалар.
Следите за самым важным и интересным в Telegram-каналеТатмедиа
Нет комментариев