Район газетасы коллективы беренче журналистлар Сабантуенда катнаша

Бүген, 15 июльдә, Саба районында беренче журналистлар Сабантуе башланды. Анда бөтен республикадан журналистлар һәм "Татмедиа" АҖ филиаллары хезмәткәрләре катнаша. Бәйрәм программасында спорт ярышлары, традицион уеннар, милли көрәш, бәйрәм концерты.

Бәйрәмдә ТР Дәүләт Советы Рәисе урынбасары Марат Әхмәтов, Саба районы башлыгы Рәис Миңнеханов, "Татмедиа" республика агентлыгы җитәкчесе Айдар Сәлимгәрәев һәм "Татмедиа" АҖ генераль директоры Шамил Садыйков катнаша.

Сабантуй акционерлык җәмгыятенең 15 еллыгына багышланган, һәм анда 600 дән артык кеше катнаша.

Билгеләп үтик, "Татмедиа "АҖ 2007 елның 1 октябрендә Татарстан Республикасының Беренче Президенты Минтимер Шәймиев Указы белән оештырылган. Хәзерге вакытта бу - республикада иң эре медиахолдинг. Аның составына 65 филиал керә. Бу-республика, шәһәр һәм район басма массакүләм мәгълүмат чаралары редакцияләре, телерадиокомпанияләр, «Татар-информ» мәгълүмат агентлыгы, шулай ук Идел буенда иң зур «Идел-Пресс» полиграфия-нәшрият комплексы.