Районда V Халыкара «Җәлил укулары» әдәби конкурсына йомгак ясалды
Бәйге фронтовик язучының тормышы һәм иҗаты белән кызыксынучы һәм шигърият сөючеләр арасында игълан ителде. Аның төп максаты – катнашучыларның сөйләм теле үсеше һәм нәфис сүз белән кызыксыну дәрәҗәсен билгеләү, шигъри сүзнең матурлыгын һәм чагылышын тоя белүләрен бәяләү.
- Конкурс җиде номинациядә узды. Катнашучыларның яше чикләнмәгән иде, - ди районда әлеге бәйгене оештыручы, Бөтендөнья татар конгрессының Югары Ослан бүлекчәсе рәисе Гөлгенә Дәүләтшина.
- Муниципаль этапта 40ка якын кеше катнашты. «Җәлил татар телендә» номинациясендә катнашучылар аеруча күп булды. Нигездә, бу район мәктәпләре укучылары иде. Барлыгы 9 кеше җиңүче дип табылды, алар арасында Дилә Сабирова, Югары Ослан районында беренче татар теле укытуны беренче башлап җибәрүчеләрнең берсе, - дип дәвам итте Гөлгенә Искәндәр кызы.
Җиңүчеләр арасында иң кечкенәсенә - 6, ә иң олысына - 76 яшь булып чыкты. Югары Осланлылар чыгышлары республика этабында безнең районны лаеклы тәкъдим итәрләр, дип ышанып калабыз.
Следите за самым важным и интересным в Telegram-каналеТатмедиа
Нет комментариев