Район башлыгы мәктәптә дәрес үткәрде

Тарих укытучысы Светлана Хуртина балаларны районның географик урыны, балаларның районның җитештерү оешмалары  турында социаль сораштыру нәтиҗәләре белән таныштырды, балалар үзләре дә районда иң танылган оешмаларны  атадылар.  

Район башлыгы Марат Зиатдинов балаларны район үсеше, киләчәге  белән таныштырды һәм сорауларга җаваплар бирде. Укучылар максатчан юнәлеш буенча уку йортларына  керү мөмкинлекләре белән кызыксындылар, районда талантлы яшьләрнең, балаларның иҗади  фестивален оештырырга тәкъдим иттеләр. Шулай ук Югары Ослан муниципаль районының әйдәп баручы предприятиеләренә һөнәри юнәлеш бирү сәфәрләрен оештыруны сорадылар.