Печище балаларына кунакка электр челтәрләре хезмәткәрләре килде

Электр челтәрләре белгечләре балалар белән аралашты, аларның электр приборлары белән ничек файдаланганнарын сорадылар һәм куркынычсызлык кагыйдәләре турында искә төшерделәр. Ә соңыннан  балаларга наклейкалар, альбомнар, карандашлар, компания логотибы төшерелгән һава шарлары бүләк иттеләр.

Түбәндәге кагыйдәләрне искәртеп үтегез  һәм балаларга кабаттан исләренә төшерегез!

• Төзек булмаган  розетка тапсаң, олыларга шундук хәбәр ит!
• Электр приборлары  су янында булырга тиеш түгел.
• Электр приборларына юеш кулларың белән орынма. Бу куркыныч!
• Беркайчан да розеткадагы  электр шнурын тартырга ярамый. Бу шнур, штепсель яки розетканың зарарлануына китерергә мөмкин.
• Өегездә хайваннар булса, бигрәк тә шнурларның пөхтә итеп җыештырылуын күзәтегез,  хайваннар аларны кимерергә бик яраталар.
• Аягыгыз белән үзегездә шундый бауга сөртенеп егылырга мөмкинсез.
• Беркайчан да өзелгән чыбыкларга якын килмә, алар турында олыларга хәбәр ит!
• Теге яки бу электр приборын кабызырга кирәк булса, өлкәннәргә ярдәм сорап мөрәҗәгать итү мәҗбүри.
• Трансформатор будкасы уен урыны түгел.
• Утүткәргечләр янында уйнама, ток  сугарга мөмкин! Агачларга менеп уйнарга яратучы балаларга якында гына электр чыбыклары юкмы икәнен карарга кирәк. Бу бик куркыныч!
• Югары вольтлы линияләр  бик куркыныч. Як-ягыңа карап  йөр!
• Һавага җибәреп уйный торган уенчыкларны (воздушный змей)  электр чыбыклары белән янәшә җибәрү куркыныч, аларны куркыныч янамаган урында җибәр!
• Яңгыр яуганда  агач астына яшеренмә!  Яшен агачка эләгеп, янгын чыгарга мөмкин!
• Төп кагыйдә - өлкәннәр рөхсәтеннән башка һәм алар булмаганда электр приборларын кабызырга ярамый.