Матюшино мәктәбе укытучысы югары бүләк белән бүләкләнде

Тормыш иминлеге нигезләре фәне буенча Бөтенроссия мәктәп укучылары олимпиадасында абсолют җиңүчене әзерләгәне, яшь буын иминлеген һәм тормыш иминлеген формалаштырудагы уңышлары өчен Илгизәр Гаделшин медаль белән бүләкләнүчеләр арасында.

Илгизәр Әнвәр улы укучысы Вагыйз Фәйрушин Бөтенроссия олимпиадасының абсолют җиңүчесе булды һәм барлык ярышларда да иң югары баллар туплап, искиткеч нәтиҗәләр күрсәтте.

Гаделшин бу бүләккә лаек булган укытучыларның берсе. Менә инде күп еллар дәвамында ул республиканың иң көчле укытучылар командасы составында Бөтенроссия олимпиадасының җиңүчеләрен һәм призерларын әзерли. Команда эше һәм тормыш иминлеге нигезләре укытучыларының тырышлыгы нәтиҗәсендә Югары Ослан укучылары ел саен региональ, ә аннан соң Бөтенроссия олимпиадасында җиңү яулыйлар.