Макыл укучыларын халык һөнәрләре белән таныштырдылар

Рус Макылы һәм Татар Макылы авыл китапханәләре хезмәткәрләре Макыл авылы мәдәният йорты хезмәткәрләре белән берлектә «укучылар өчен мәдәният» Бөтенроссия проекты һәм Россиядә халык сәнгате һәм матди булмаган мәдәни мирас елы кысаларында мәктәп балаларын «Рус һөнәрчелеге» дип аталган халык мәдәнияте сәгатенә чакырдылар.

Уку залында халык-гамәли иҗат эшләнмәләре күргәзмәсе оештырылган иде, анда яшь укучылар чигүле сөлгеләр һәм чигүле япмалар, чүпрәк курчаклар, чигелгән рәсемнәр һәм җирле оста куллар ясаган башка бик күп матур эшләнмәләр белән таныштылар.

Оештыручылар укучыларга әлеге эшләнмәләрнең барлыкка килү тарихы турында сөйләделәр һәм авторлар белән таныштырдылар. Шулай ук һөнәрнең ничек барлыкка килүе, аны безнең көннәргә кадәр ничек саклап калулары турында сөйләделәр һәм балаларга чигү, бәйләү ысулларын өйрәттеләр.