Кызыл Байракта Кар бабай ясау буенча мастер-класс үтте
Барлык балалар да кышын Кар бабай ясарга ярата, ләкин бу соклангыч кышкы персонажның елның үз көне булуын бик азлар белә. 18 гыйнварда Халыкара Кар бабай көне билгеләп үтелә. Бу әле яшь бәйрәмнәрнең берсе, әмма инде күп кенә илләрдә яратылып билгеләп үтелә.
Ике, өч кар йомарламнарыннан торган Кар кешесе күп кенә балалар китапларының һәм мультфильмнарның төп герое булып тора. Кемдер аның муенына шарф бәйли, кемдер башына чиләк яки бүрек кидерә, ләкин бер нәрсә үзгәрешсез кала - Кар бабай ясау балаларның барсына да шатлык алып килә.
Кызыл Байрак авылы мәдәният һәм китапханә хезмәткәрләре оештырган мастер-класста балалар һәм аларның әти-әниләре Кар бабайны оекбашлардан ясарга өйрәнделәр. Балаларның күңел биреп ясаган Кар малайлары барысы да төрле, матур һәм бәйрәмчә килеп чыкты. Алар эшләрендә иҗади фантазия күрсәттеләр һәм үзләренең эшләнмәләре өчен бик теләп һәм тырышып декор сайладылар!
Следите за самым важным и интересным в Telegram-каналеТатмедиа
Нет комментариев