Кыяр яхшы үссен һәм әче булмасын өчен югары осланлыларга файдалы киңәшләр

- Кыяр өчен нейтраль реакцияле, черемәгә бай туфрак яхшы.
-Кыяр үрмәләп үсә башлаганчы, төбен 3-5 см калынлыкта торф белән мүлчәләргә һәм даими су сибәргә кирәк.
- Кыярны куе утыртмаска. Саргайган яфракларын өзеп торырга кирәк, болай аның арасына яктылык яхшырак керә.
- Кыяр үтәли җилне, температураның кискен үзгәрешләрен яратмый.
- Сабакта кыярны зур итеп үстермәскә тырышыгыз. Сабактагы картайган бер кыяр калганнарының үсешен тоткарлый.
-Кыярга суны кичтән сипмәгез. Бу аның чирләргә бирешү куркынычын арттыра. Аңа көннең беренче яртысында җылы су гына сибәргә кирәк.

Кайчак кыяр авызга алмаслык әче булып үсә. Бу - үстергәндә агротехника таләпләрен сакламаудан. Беренче чиратта - җылылык һәм дым таләбе.
- Кыярга бары тик җылы су  гына сибегез. Салкын су сибүдән кыярның тамырлары чиргә бирешә.
- Кыяр температура үзгәрешенә бик сизгер. Суны кояшлы, җылы иртәдә сибәргә кирәк, тик яфракларына тидермәскә тырышыгыз.
- Тагын бер таләп - төбен даими йомшарту. Туфрагы катканда, тамырларга кислород керми. Әмма бу эшне бик сак эшләргә кирәк, чөнки кыярның тамырлары өстә генә урнашкан.
- Кыяр әче булмасын өчен, дөрес тукландырырга кирәк.
- Әче кыярга кукурбитацин матдәсе туплана. Ул ашкайнату трактындагы яман шештән саклый.

Читай «Волжскую новь» в МАКС, Вконтакте, Одноклассники, Дзен, Телеграм,