“Кояшкай” балалары уку иленә сәяхәт кылдылар

Китапханәдә кызларны һәм малайларны бик җылы һәм кунакчыл кабул иттеләр. Китапханәче Ольга Картапова балаларга китапханәнең – абонементтан һәм уку залыннан торган китаплар саклау урыны булуын һәм килүче китап укучылар өчен формулярны һәм бердәм укучы билетын рәсмиләштерергә кирәклеген сөйләде. Балалар китапларны киштәләргә ничек урнаштырылганын, китапханәдән файдалану кагыйдәләрен һәм китаплар белән ничек дөрес эш итәргә кирәклеген белделәр.

Балалар табышмакларга, «яраткан әкиятләр битләре буйлап» викторинасы сорауларына җавап бирделәр һәм яраткан геройлары белән тематик мультфильм карадылар. Балалар актив рәвештә үзләрен кызыксындырган сораулар бирделәр, күп кенә яңа һәм кызыклы нәрсәләр белделәр. Экскурсия балаларга бик зур һәм онытылмас тәэсир калдырды.