«Кояшкай» балалар бакчасында әти һәм бабайларны Ватанны саклаучылар көне белән котлау матур традициягә әйләнде

Бу безнең Ватаныбыз сагында торган барлык кешеләрнең бәйрәме. Ул чын ир-атлар бәйрәме - кыю, җитез һәм ышанычлы, шулай ук малайлар бәйрәме дә, чөнки алар да Ватанные саклаучылар булып үсеп җитәчәкләр. Андый чаралар хәрби формадагы кешегә хөрмәт, Ватанга мәхәббәт тәрбияли һәм патриотик хисләрне үстерә.  

Балалар бакчасында бәйрәм – өлкәннәр, балалар өчен уртак шатлыклы, тантаналы күңел ачу. Балалар бакчасы хезмәткәрләре бу бәйрәмне балалар һәм ата-аналар тормышында якты вакыйга итәргә тырыштылар.

Ярышлар тантаналы рәвештә гимн һәм мөдир Гөлшат Насыйбуллинаның боерыгы белән ачылды, шулай ук ул әтиләрне бәйрәм белән котлады.  Барлык төркемнәрдә тәрбияләнүчеләр әтиләрен һәм бабайларны искиткеч бәйрәм - Ватанны саклаучылар көне белән котладылар. Ата-аналарның балалар белән уртак бәйрәмнәре гаиләләрне берләштерә, аларның күңелләрендә патриотизм, Ватан алдындагы бурыч хисләре уята.

Алга таба физкультура инструкторы С.Ширяева әтиләр белән спорт ярышлары үткәрде. Балалар әтиләре белән бергә бәйрәмдә үз көчләрен, җитезлеген һәм зирәклеген күрсәттеләр. Кызыклы рәвештә сайлап алынган биремнәр иң оялчан балаларны да, иң җитди әтиләрне дә битараф калдырмады. Балаларның күз карашларын, ярышу һәм көндәшлек рухын күрү бик күңелле булды.

Безнең Ватаныбыз - Россия сакчылары - ул безнең солдатлар, офицерлар, очучылар һәм диңгезчеләр, алар теләсә кайсы минутта безнең илебезне якларга һәм сакларга әзер. Безнең малайлар аларга охшап көчле, батыр һәм игелекле булырга телиләр.

Чара дусларча күңелле атмосферада узды. Залда көлү, шау-шу һәм шатлык хөкем сөрде. Ә балаларның шатлыктан бәхетле күзләре - барыбыз өчен дә иң яхшы бүләк. Барлык әтиләр һәм балалар яхшы кәеф белән лаеклы медальләр алдылар.